''ಸರಕಾರ ತೆಗೆದುಕೊಂಡಿರುವಸುಧಾರಣಾ ಕ್ರಮಗಳು ಸಂಪೂರ್ಣವಾಗಿ ರ‌್ಯಾಂಕಿಂಗ್‌ನಲ್ಲಿ ಪ್ರತಿಫಲಿಸಿಲ್ಲ. ಮುಂದಿನ ವರ್ಷ ಭಾರತದ ಸ್ಥಾನ ಮತ್ತಷ್ಟು ಮೇಲೇಳಲಿದೆ. ಸುಲಭವಾಗಿ ವ್ಯವಹಾರ ನಡೆಸಲು ಭಾರತ ಸೂಕ್ತ ತಾಣ ಎಂಬುದನ್ನು ಗುರುತಿಸಿರುವ ವಿಶ್ವಬ್ಯಾಂಕ್‌ಗೆ ನಾನು ಆಭಾರಿಯಾಗಿದ್ದೇನೆ,'' ಎಂದು ಜೇಟ್ಲಿ ತಿಳಿಸಿದರು.
ಜೂನ್ 1ರ ವರೆಗೆ ಪರಿಗಣಿಸಿ ರ‌್ಯಾಂಕಿಂಗ್ ಪಟ್ಟಿ ಪ್ರಕಟಿಸಲಾಗಿದೆ. ಆನಂತರ ತೆಗೆದುಕೊಂಡ ಸುಧಾರಣಾ ಕ್ರಮಗಳಿಂದ ಆಗಿರುವ ಬೆಳವಣಿಗೆಗಳು ಪಟ್ಟಿಯಲ್ಲಿ ಪ್ರತಿಫಲಿಸಿಲ್ಲ. ಅದು ಮುಂದಿನ ವರ್ಷದ ಪಟ್ಟಿಯಲ್ಲಿ ಕಾಣಿಸಿಕೊಳ್ಳಲಿದೆ ಎಂದು ಅವರು ತಿಳಿಸಿದರು.
ಸುಲಭವಾಗಿ ವ್ಯಾಪಾರ, ವಹಿವಾಟು ನಡೆಸಬಹುದಾದ ವಿಶ್ವದ 189 ಆಷ್ಟ್ರಗಳ ಪಟ್ಟಿಯಲ್ಲಿ ಭಾರತಕ್ಕೆ 130ನೇ ಸ್ಥಾನ ಲಭಿಸಿದೆ. ಕಳೆದ ವರ್ಷ ಅದು 142ನೇ ಸ್ಥಾನದಲ್ಲಿತ್ತು.
ಅತಿದೊಡ್ಡ ಅರ್ಥ ವ್ಯವಸ್ಥೆ ಹೊಂದಿರುವ ಭಾರತ ಒಂದೇ ವರ್ಷದಲ್ಲಿ 12 ಸ್ಥಾನ ಜಿಗಿದಿರುವುದು ಮಹತ್ವದ ಸಾಧನೆ ಎಂದು ವಿಶ್ವಬ್ಯಾಂಕ್ ಮುಖ್ಯ ಅರ್ಥಶಾಸ್ತ್ರಜ್ಞ ಮತ್ತು ಹಿರಿಯ ಉಪಾಧ್ಯಕ್ಷ ಕೌಶಿಕ್ ಬಸು ತಿಳಿಸಿದ್ದಾರೆ.
ಹೊಸದಿಲ್ಲಿ: ಯಾವುದೇ ಅಡೆತಡೆಗಳಿಲ್ಲದೆ ಸುಲಭವಾಗಿ ವ್ಯವಹಾರ ನಡೆಸುವ ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತಕ್ಕೆ 130ನೇ ಸ್ಥಾನ ಲಭಿಸಿರುವುದಕ್ಕೆ ಪ್ರತಿಕ್ರಿಯೆ ನೀಡಿರುವ ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ, ಭಾರತದ ಸ್ಥಾನ ಮತ್ತಷ್ಟು ಸುಧಾರಿಸಲಿದೆ ಎಂದಿದ್ದಾರೆ.