ನಿರ್ಮಾಪಕ ಶರತ್ ಕುಮಾರ್‌ರಿಗೆ ಮೊದಲಿನಿಂದ ನೃತ್ಯದಲ್ಲಿ ಆಸಕ್ತಿ. ಈ ಕಾರಣಕ್ಕೆ ಅವರು ಪ್ರೊಡಕ್ಷನ್ ಹೌಸ್ ಪ್ರಾರಂಭಿಸಿ ಈಗ ಸಿನಿಮಾ ನಿರ್ಮಾಣಕ್ಕೆ ಮುಂದಾಗಿದ್ದಾರೆ. ಈ ಚಿತ್ರಕ್ಕೆ ದಲೇರ್ ಮೆಹಂದಿ ಕೂಡಾ ಬಂಡವಾಳ ಹೂಡಲಿದ್ದಾರೆ. ಚಿತ್ರದಲ್ಲಿ ನೃತ್ಯವೇ ಪ್ರಧಾನ. ನಾಯಕ ನಾಯಕಿ ಮಾತ್ರ ಅಲ್ಲ, ಅಪ್ಪ, ಅಮ್ಮ, ಸ್ನೇಹಿತರು ಎಲ್ಲರೂ ನೃತ್ಯಗಾರರೇ. ನಟರ ಆಯ್ಕೆಯನ್ನು ವಿಶೇಷವಾಗಿ ಮಾಡಲಾಗುತ್ತದೆ. ಬೆಂಗಳೂರು ಸೇರಿದಂತೆ ಹೈದರಾಬಾದ್, ಚೆನೈ, ಡೆಲ್ಲಿ, ಮುಂಬೈನಲ್ಲಿ ಡ್ಯಾನ್ಸ್ ಕಾಂಪಿಟೇಷನ್ ಏರ್ಪಡಿಸಲಿದ್ದಾರೆ.
'ಟ್ಯಾಲೆಂಟ್ ಹಂಟ್ ಮೂಲಕ ಚಿತ್ರಕ್ಕೆ ನಟರನ್ನು ಆಯ್ಕೆ ಮಾಡಲಿದ್ದೇವೆ. ಈ ಚಿತ್ರದಲ್ಲಿ ಅಪ್ಪ ಅಮ್ಮ ಕೂಡಾ ನೃತ್ಯಗಾರರೇ ಆಗಿರುತ್ತಾರೆ. ಹಾಗಾಗಿ ಯಂಗಸ್ಟರ್ಸ್‌ ಮಾತ್ರ ಅಲ್ಲದೆ, ಎಲ್ಲಾ ವಯಸ್ಸಿನವರೂ ಪಾಲ್ಗೊಳ್ಳಬಹುದು' ಎನ್ನುತ್ತಾರೆ ನಿರ್ದೇಶಕ ಇಮ್ರಾನ್ ಸರ್ದಾರಿಯಾ. ಡಿಸೆಂಬರ್‌ನಲ್ಲಿ ಆಡಿಷನ್ ಪ್ರಾರಂಭವಾಗಲಿದೆ. ಡ್ಯಾನ್ಸರ್ಸ್‌ ವೀಡಿಯೋ ಕ್ಲಿಪ್ಪಿಂಗ್‌ಗಳನ್ನು ಕಳಿಸಿಕೊಡಲು ಮೇಲ್ ಐಡಿ ಮತ್ತು ವಾಟ್ಸಪ್‌ನಲ್ಲಿ ಅವಕಾಶವಿದೆ. ವಾಟ್ಸಪ್ ನಂ. 09620600159, ಞಚ್ಟಃಜಞಜ್ಝಿ.್ಚಟಞ ಮೇಲ್ ಐಡಿಗೆ ಕಳಿಸಬಹುದಾಗಿದೆ.
ಚಿತ್ರಕ್ಕೆ ಹರಿಕೃಷ್ಣ ಸಂಗೀತ ಸಂಯೋಜನೆ ಇದೆ. ಶರತ್ ಕುಮಾರ್ ಅವರೇ ಕತೆಯನ್ನು ಬರೆದಿದ್ದಾರೆ. ಸ್ಕ್ರೀನ್‌ಪ್ಲೇ ಜನಾರ್ಧನ್ ಮಾಡಲಿದ್ದಾರೆ. 'ಈಗ' ಚಿತ್ರಕ್ಕೆ ಅವರು ಕೆಲಸ ಮಾಡಿದ್ದರು. ಹೈದರಾಬಾದ್, ಬೆಂಗಳೂರಿನಲ್ಲಿ ಅಲ್ಲದೆ, ಶೇ. 40 ಭಾಗ ಷಿಕಾಗೋ ಮತ್ತು ಅಮೆರಿಕಾದಲ್ಲಿ ಚಿತ್ರೀಕರಣಗೊಳ್ಳಲಿದೆ. ಪ್ರತಿಭಾವಂತರಿಗೆ ಅವಕಾಶ ನೀಡುವುದಕ್ಕೆ ಇದನ್ನು ಮಾಡುತ್ತಿದ್ದೇವೆ ಎನ್ನುತ್ತಾರೆ ಇಮ್ರಾನ್.
ಅಂತಾರಾಷ್ಟ್ರೀಯ ಖ್ಯಾತಿಯ ಗಾಯಕ ದಲೇರ್ ಮೆಹಂದಿ ಮೊದಲ ಬಾರಿಗೆ ಕನ್ನಡ ಚಿತ್ರವೊಂದನ್ನು ನಿರ್ಮಾಣ ಮಾಡುತ್ತಿದ್ದು, ಅದನ್ನು ನಿರ್ದೇಶಕ ಮತ್ತು ಕೊರಿಯಾಗ್ರಫರ್ ಇಮ್ರಾನ್ ಸರ್ದಾರಿಯಾ ನಿರ್ದೇಶನ ಮಾಡಲಿದ್ದಾರೆ. ನೃತ್ಯವನ್ನೇ ಮುಖ್ಯ ಕಥಾವಸ್ತುವಾಗಿರುವ ಈ ಚಿತ್ರಕ್ಕೆ ನಟರನ್ನು ಆಯ್ಕೆ ಮಾಡಲು ಹಲವು ರಾಜ್ಯಗಳಲ್ಲಿ ನೃತ್ಯ ಸ್ಪರ್ಧೆಯನ್ನು ಏರ್ಪಡಿಸಲಿದ್ದಾರೆ.